Народная медицина в домашних условиях
Молитвы о здравии и исцелении
Молитва святому великомученику и целителю пантелеймону
О снятый великомучениче и целителю Пантелеймоне, Бога милостиваго подражателю! Призри благосердием и услыши нас грешных, пред святою твоею иконою усердие молящиеся, испроси нам у Госиода Бога, Емуже со ангелы предстоиши на небеса, оставление грехов и прегрешений наших: исцели болезни душевныя и телесныя рабов Божиих ныне поминаемых, зде предстоящих и всех христиан православных, ко твоему заступлению притекающих: се бо, грех наших ради, люте одержими есмы многими недуги и не имамы помощи и утешения: к тебе же прибегаем, яко дадеся ти благодать молитися за ны и целити всяк недуг и всяку болезнь: даруй убо всем нам святыми молитвами твоими здравие и благомощие души и тела, преспеяние веры и благочестия и вся к житию временному и ко спасению потребная, яко да сподобившеся тобою великих и богатых милостей, прославим тя и подателя всех благ, дивнаго во святых Бога нашего, Отца и Сына и Святого Духа, во веки веков.
Ему же молитва вторая наедине от лица болящаго чтомая
О великий угодниче Христов, страстотерпче и врачу многомилостивый, Пантелеймоне! умилосердися надо мною грешным рабом, услыши стенание и вопль мой, умилостиви небеснаго, верховнаго врача душ и телес наших, Христа Бога нашего, да дарует ми исцеление от недуга, мя гнетущаго, приими недостойное моление грешнейшаго паче всех человек, посети мя благодатным посещением, не возгнушайся греховных язв моих, помажи тыл елеем милости твоея и исцели мя: да здрав сый душею и телом, остаток дней моих, благодатию Божиею, возмогу провести в покаянии и угождении Богу и сподоблюся восприяти благий конец жития моего. Ей, угоднице Божий! умоли Христа Бога, да предстательством твоим дарует здравие телу моему и спасение души моей. Аминь.