Молитвы заключенных от Степановой Н.И
Чтобы выжить , при издевательствах заключенных в тюрьмах
Молитва заключенного к Ангелу-хранителю
Ангеле Божий, предстояй ми от купели Святого Крещения, колико аз преогорчевал тебе злыми помыслы, скверными словесы и постыдными деянями в житии моем! К тому же не памятовах, яко имам тя даннаго ми от Бога хранителя. Егда аз упивахся вином, или бестудно плясах, или в блуде, хищениях и злоупотреблениях иждивах житие мое; и в сии дни ты не отлучался ecu от мене, но токмо, яко чистый дух, печален был ecu о мне, непотребном рабе. Коль множицею аз бых близ самыя смерти, творяй преступныя дела и отнюдь не помышляяй предстати внезапу Богу Судии! Смерть же не постиже мне тогда: и вем, яко ты отвратил ecu ю от мене. Тако выну охранявши мя, и не един аз есмь, внегда един жительствую во узилищи сем, но с тобою, хранителю мой. Аще и не вижду тебе телесными очима, ты ecu присно спребываяй окаянное моей душе и телу. Якоже солнце, преходя скверныя места, не оскверняется, сице и ты, Светоносный ангеле Божий, не возгнушайся моей смрадности, но николеже отлучайся от мене и в сей темнице. Сохрани мя здрава нощию и неприступна во сне диавольскому искушению. Отжени от мене бессоние. Сопутствуй ми во дни, на каждый час, во всех входех и исходех моих. Даруй ми крепость телесных сил, еже понести горькия работы, в наказания мне налагаемыя, горькие же паче по вине их. Застуми мя от злобы бесов, люте нападающих на мою душу: ибо от единаго мановения десницы твоея бежат беси. Паче же всего отжени от мене смятение душевное и ропот вредный: сый бо смущен сердцем, не хощу ни на кого и ни на что благоприятно взирати и присно зде огорчеваюся. Даруй очам моим слезы о гресех, устам же тихое глаголание. Не отступи от мене, святый ангеле, и егда душа моя начнет разлучатися от тела, но предстани ми у смертнаго моего одра тих и радостен, ибо имам тогда видети тебе близ суща. Не остави и послеже мою душу, еже ты от Бога предана бысть непорочне, но яже по смерти моея имать судитися, яко оскверненная многими грехми. О хранителю мой! Призови тогда помолитися о мне и прочия бесплотныя силы, да твоим заступлением помилован буду, грешный раб (имя), во веки веков. Аминь.
Молитва о заключенных
Господи Иисусе Христе, Боже наш, святого апостола Твоего Петра от уз и темницы освободил Ты. Молим Тебя о милости – всепрощение грехов раба (имя). Огради и щитом своим защити его, и выведи на свободу сохраненным и в полном здравии. Всесильною Твоею десницею, от всякого зла и притеснения избавь. Во имя Отца и Сына и Святого Духа. Аминь.
Молитва заключенного Иоанну Предтече
Предтече и Крестителю Христов Иоанне, проповедниче покаяния! Ты неповинно всажден был еси в темницу: аз же, вверженный в злоключение сие, достойное по делом моим приемлю, яко преступник правды и закона. Всели в мое сердце чувство покаяния о гресех моих! Несть бо не единыя злобы, не беззаконья, их же аз, окаянный, не содеях; престрашны греси мои.
Учителю правды! Научи мя право глаголити о мне самом пред судиями. Не преставаяй и в темнице обличати беззаконнаго Ирода, даруй ми, да наипаче зде обличает мене совесть моя, да от обличений ея не возмогу на долзе времени утаити мое преступление. Аще же осужден буду понести наказание, даруй ми быти терпеливу, яко же ты сам терпеливно несл еси усекновение главы твоея, желанное от Иродиады. Ей, Крести телю Христов! Простри ми, рабу твоему, руку, крестившую Христа Спасителя моего, да мя излечеши из глубины погибели. Ты еси больший всех в рожденных женами, ты еси первый по Богороди це праведник между человеки. Сего ради прибегаю к тебе аз, имеяй потребу в велицем ходатае, яко велик есмь грешник. Убо и да осенит мене, недостойнаго, благодать твоя, Предтече Господень.